Капетанот на бродот на компанијата Blue Horizon не пријавил до службите на пристаништето Пиреја во Атина, Грција, дека патник завршил во морето, откако претходно беше турнат од екипажот на бродот, сведочат патници за грчкиот портал news.it, пренесува дописникот на еМагазин од Солун.
ПОВРЗАНИ ВЕСТИ
(Вознемирувачко видео) Екипаж на брод во Грција турнаа човек во морето кој се удави
Патник го пријавил инцидентот до службите во Пиреја, а еден од патниците за порталот вели дека на бурните реакции на шокираните патници кои биле сведоци на инцидентот, и кои отишле и до кабината на капетанот, никој од персоналот не реагирал, а тој им ја затворил врата.
Како што веќе објавивме 36-годишниот маж се удави откако беше турнат од екипажот на бродот, по што истиот отпловил како ништо да не се случило.
По неколку часа бродот кој патувал за Крит е вратен во Пиреја, а се уапсени капетанот и четворица членови на екипажот, кои најверојатно ќе бидат обвинети за убиство.
Изјави за инцидентот на грчките власти им дале 15 сведоци – патници.