Каракачанов изгуби во Бугарија, ама победи во Македонија

Партијата на се уште актуелниот министер за одбрана и вицепремиер, Красимир Каракачанов, ВМРО-БНД не успеа да влезе во бугарскиот Парламент.

Но, неговата партија е победник во Македонија.

Според податоците на Централната изборна комисија на Бугарија, во Македонија гласале вкупно 510 бугарски државјани, а 216 лица гласале за ВМРО-БНД.

Втора по бројот на освоените гласови е ГЕРБ, партијата на актуелниот премиер Бојко Борисов, за која гласале 100 граѓани во Македонија.

ПОВРЗАНИ ВЕСТИ

Ќе биде ли нов премиер на Бугарија, шоуменот и музичар Слави Трифонов?

Бојко Борисов во водство, втор е шоуменот Слави Трифонов

За него Македонците се северномакедонци со бугарски корен: Кој е Слави Трифонов, клучниот “играч“ за формирање влада во Бугарија

Каракачанов на својот Фејсбук профил најави дека неговата партија и покрај тоа што не влезе во бугарскиот Парламент ќе се бори за бугарскиот интерес во Македонија.

“Ќе продолжиме да го браниме бугарскиот интерес за Македонија – затоа што не треба да има компромис по секоја цена!“, напиша тој.

Фото: Каракачанов/Фејсбук