Казна затвор до една година за работодавачите кои ќе манипулираат со исплатата на К-15

Се приближува крајот на годината, период во кој изминува рокот работодавачите да ја исполнат обврската за исплата на регрес на годишен одмор или популарниот К-15.

За неодговорните работодавачи кои не исплаќаат регрес за годишен одмор или бараат од работниците да ги вратат исплатените средства по овој основ , Кривичниот закон предвидува затворската казна до 1 година.

Овој закон предвидува и казни за работодавачите кои ќе отпуштат работник ако пријавил непочитување на обврската за исплата на К-15.

За работниците да се охрабрат и да ги пријават несовесните работодавачи Ви ги пренесуваме одредбите од законот кои се однесуваат на оваа тематика:

„2)Тој што ќе побара од работник да му врати или ќе прими одреден износ од плата или други надоместоци исплатени од работодавачот, ќе се казни со затвор од три месеци до една година.

Со казната од ставот (2) ќе се казни работодавачот кој на работник ќе му врачи отказ поради тоа што го пријавил работодавачот или дал исказ во својство на сведок за тоа дека му побарал на работникот да врати одреден износ од плата или други надоместоци исплатени од работодавачот или не го вратил износот.”