Новинарот Томислав Кежаровски, кој осум месеци помина во истражниот затвор „Скопје“ во Шуто Оризари, за Слободен печат вели дека цената на мобилните телефони во затворот се движи во зависност од тоа кој се наоѓа во затворот.
– Исто е како на берза, доколку се притворени министри, богати бизнисмени, цената на телефоните рипа, но доколку во тој момент нема некои интересни ликови, туку обични смртници, цената е „дај шта даш“. Јас кога бев во притвор, во некои моменти цената достигна и до 1.000 евра. Телефонот Ви го продаваат, но не Ви гарантираат колку време ќе го имате, никој тоа не може да ви го гарантира – објаснува Кежаровски.
Тој додава дека може да се случи еден чувар да Ви продаде телефон, а друг чувар да дојде за половина час и да Ви го земе.
– Јас тврдам дека 90 отсто од притворените лица, телефонот го користат за да се слушнат со фамилијата. Значи никој не го злоупотребува телефонот, нарачуваат јадење, облека и слично – вели новинарот за Слободен печат.
ПОВРЗАНИ ВЕСТИ