Генералниот секретар на СДСМ и пратеник Александар Кирацоски денеска на прес-конференција изјави дека обезбедена е поддршка од минимум 80 пратеници за усвојување на уставните измени.
– Со иницирање на уставните измени РМ станува дел од ЕУ и НАТО. Често ме прашуваат дали обезбедивте двотретинско мнозинство. Јас таа фраза обезбедени пратеници не сакам да ја користам, туку имам информации дека минимум 80 пратеници, впрочем и нешто над 80 пратеници, се уверија дека иднината на РМ е единствено во НАТО и ЕУ, а тоа е условено со Преспанскиот договор и уставните измени, што треба да се случат најдоцна до петок неделава, рече Кирацоски.
Седницата на која ќе се расправа за уставните измени се очекува да почне во 16 часот.
Фото: СДСМ
ПОВРЗАНИ ВЕСТИ
Македонија станува Северна Македонија: Што ќе се менува во Уставот и Преамбулата
Кои се предлагачите: Поднесени 10 амандмани на предлог-амандманите на Уставот