Бранка Славеска на почетокот на следната година ќе почне да раководи со винаријата „Тиквеш„. Од 1. јануари таа ќе биде новиот генерален директор на винаријата.
Зад себе има богатата меѓународна кариера со повеќе од 25-годишно работно искуство на менаџерски позициии, а во „Тиквеш“ доаѓа од позицијата на комерцијална директорка и член на Управниот одбор на „Диагео Италија“.
Својата кариера ја започнала во „Пивара Скопје“, а во периодот 2005-2006 година била комерцијална директорка на „Тиквеш“.
ПОВРЗАНИ ВЕСТИ
Бранка Славеска е нов генерален директор на „Тиквеш“
Работела за „Хајнекен“, извршувајќи менаџерски функции на повеќе различни пазари како Русија, Белорусија, Босна и Херцеговина и Хрватска, а била одговорна и за регионот на Југоисточна Европа, како и во „Лаваца“ како директорка за меѓународни пазари.
Дипломирала на Машинскиот факултет во Скопје и магистрирала менаџмент и бизнис администрација на Универзитот Шефилд.