Актуелниот министер за надворешни работи на Шпанија, 72-годишниот Јосеп Борел да биде нов комесар за надворешната политика на ЕУ на местото на Федерика Могерини чиј мандат истекува во октомври, предложи Европскиот совет.
Борел, кој е инженер по аеронаутика, економист и професор по математика е „стар волк“ и со политика почнува да се занимава уште во седумдесетите години од минатиот век.
Тој е член на Социјалистичката партија на работниците и во текот на својата богата политичка кариера извршувал повеќе државни функции, а бил и претседател на Европскиот парламент.
Тој бил оженет со францускиот социолог Каролина Мајер со која има два сина, дипломатот Хуан и пилотот Лионел.
Двајцата се развеле во 1990 година, а од 1998 година наваму Борели е во врска со Кристина Нарбона, претседателка на неговата матична партија и поранешна министерка за екологија со која и се оженил во во јули, минатата година.
Фото: Влада на Шпанија