Финансиската полиција вчера соопшти дека поднела кривична пријава против министерот за локална самоуправа, Сухејл Фазлиу и неговиот претходник Лирим Шабани, за незаконска исплата на хонорари во износ од околу 37 илјади евра.
Кој е Сухејл Фазлиу?
Според неговата официјална биографија Фазлиу дипломирал на Универзитетот на Југоистична Европа во Тетово, на Факултетот за современи науки и технологии.
“Во својата професионална кариера има богато искуство во сферата на информатичката технологија и тоа во реализација на консултантски услуги за локална самоуправа на проекти, во Македонија и надвор од земјата“, стои во неговата биографија.
Фазлиу како независен консултант за Е-Влада и Е-Трговија, има работено за повеќе јавни претпријатија, како и за приватни компании за услугата Е-Трговија.
Во периодот од 2010 до 2015 година, работи и како консултант за информатичка технологија и веб апликации за различни компании.
Сухејл Фазлиу е роден 1986 година, во Скопје.
Фото: Влада
ПОВРЗАНИ ВЕСТИ
Каков имот пријавил министерот за локална самоуправа, Сухејл Фазлиу
Кривични за актуелниот и поранешен министер за локална самоуправа