Прв пат по изборот, заменик-министерот за економија Кирил Колемишевски се огласи не неговиот фејсбук-профил по примање на функцијата.
„Да се биде заменик министер во Владата на мојата татковина, не само што претставува чест и привилегија, туку и голема одговорност.
Своето 17 годишно работно искуство во банки, инвестициски фондови, но и како адвокат со искуство од областа на корпоративното и стопанското право, ќе го имплементирам во реализација на своите заложби за поддршка на малите и средни претпријатија, олеснување на водењето бизнис, активно вклучување на македонската дијаспора во економските текови на државата и најважно од се’, привлекување на странски инвестиции и создавање на услови за нови работни места за сите генерации.
Во фокус на моето работење ќе бидат и младите, за кои ќе се отвораат одлични можности за вработување и кариерен напредок во приватниот сектор, како и поддршка и мотивација за започнување со сопствен бизнис“, напиша Колемишевски на неговиот фејсбук-профил.
ПОВРЗАНИ ВЕСТИ
Кој е Кирил Колемишевски, кој е предложен за нов заменик министер за економија
Каков имот пријавил Кирил Колемишевски, кој е предложен за нов заменик-министер за економија
фото: Фејсбук/Колемишевски