Поранешниот министер за внатрешни работи и вицепремиер, Оливер Спасовски е новиот технички премиер.
еМагазин го разгледа неговиот анкетен лист кој го доставил до Антикорупциска комисија кога станал министер во 2017 година.
Сега во рок од 30 дена треба да достави нов.
Каков имот пријавил?
На свое име пријавил куќа во Куманово од 309 метри квадратни, проценета на 7,3 милиони денари, стекната како подарок.
Вози Пежо 307, а на свое име пријавил и уметнички и колекционерски предмети, проценети на 260 илјади денари.
Има и кредит од 600 илјади денари, кој треба да го отплати годинава.
На име на родителите пријавил земјиште во Куманово и Старо Нагоричане, шума од 37 илјади метри квадратни во Старо Нагоричане, проценета на 4,2 милиони денари и куќа од 60 метри квадратни во Куманово, проценета на 1,2 метри квадратни.
На име на родителите пријавил и Шкода Фабија и машини и друга опрема.
На свое име и на име на родителите пријавил денарски платежни картички.
Целиот негов анкетен лист, ОВДЕ.
ПОВРЗАНИ ВЕСТИ
ПОРТРЕТ: Оливер Спасовски, од адвокатски приправник до технички премиер
Колку е богата новата вицепремиерка: Каков имот пријавила Мила Царовска
ПОРТРЕТ: Мила Царовска, од активиска до вицепремиерка за економски прашања
ПОРТРЕТ: Наќе Чулев, од оперативен разузнавач до технички министер за внатрешни работи
Фото: Фејсбук/Спасовски