Колку пари ќе добијат граѓаните од поврат на ДДВ: Се исплатеше ли скенирањето на фискалните сметки

Досега 16.600 граѓани на своите сметки добиле пари, а до крајот на наредната недела повратот ќе биде извршен кај сите граѓани кои ги скенирале фискалните сметки во првото тримесечје.

„Во првиот квартал од МојДДВ скенирани се 22.670.713 фискални сметки, остварен е вкупен промет во износ од 11.423.978.620 денари, со пресметан вкупен ДДВ во износ од 1.241.434.628 денари.

Повратот од 15 отсто од платениот ДДВ кај граѓаните за првите три месеци е во висина од 186.215.194 денари односно 3 милиони евра“, велат од Управата за јавни приходи.