Комерцијална банката презема интензивни активности за унапредување на процесот на управување со проблематичните побарувања, поефикасна наплата и побрзо решавање на проблематичните пласмани, што ќе резултира со подобрување на квалитетот на кредитното портфолио, соопшти банката во извештајот за работењето во 2019 година објавен преку Македонската берза.
„Во текот на извештајниот период преземените мерки и активности за наплата на побарувањата од комитентите правни лица со статус на проблематични кредити, резултираа со наплатени побарувања во вкупен износ од 2.016.000.000 денари (32 милиони евра), од кои: 63,2% се наплатени побарувања од билансна евиденција и 36,8% се наплатени побарувања од вонбилансна евиденција.
Од наплатените билансни и вонбилансни побарувања, 33% се со готовинска уплата, а 67% се со преземен имот“, информираат од банката.
Математиката покажува дека банката за да наплати побарувања од проблематични кредити дадени на фирми лани преземала имот вреден дваесетина милиони евра.
ПОВРЗАНИ ВЕСТИ
Комерцијална банка лани од граѓани присилно наплатила 1,8 милиони евра
Комерцијална банка лани им исплатила 2,3 милиони евра на 50 менаџери
„Познато друштво“ повторно во Надзорниот одбор на Комерцијална банка