Комисијата за заразни болести предлага сертификатот за прележан Ковид-19 наместо 45 да трае 180 дена, и не се размислува за негово укинување информираше портпаролот Злате Мехмедовиќ.
„Ако ги укинеме сертификатите за затворен простор ќе направиме голема трансмисија на вирусот. Во земјите каде сертификатите се укинати, како Данска и Велика Британија, вкупниот имунитет од вакцинација е многу поголем.
Во Данска е вакцинирано 85 отсто од населението, во Велика Британија 80 проценти, а кај нас двојно помалку, околу 40 отсто.
Не може да ги гледаме работите индивидуално, мора да видиме каква е епидемиолошката состојба кај нас и да носиме одлука“, рече Мехмедовиќ и додаде дека исто така не се размислува и за укинување на маските во училиштата.
Препораката на Комисијата ќе биде доставена до Влада.
Фото: Унсплеш