Ковачевски го осуди палењето на објектот на Центарот на бугарската заедница во Битола

Премиерот Димитар Ковачевски денеска на својот Фејсбук профил го осуди палењето на објектот на Центарот на бугарската заедница во Битола.

-Го осудувам палењето на објектот на Центарот на бугарската заедница во Битола. Во 21 век со палење и опожарување не се постигнува ништо. Дадов јасни насоки до надлежните институции веднаш да го расчистат случајот.

Ваквите потпалувачки провокации имаат цел да ги нарушат односите меѓу македонскиот и бугарскиот народ. Затоа, повикувам сите да останеме смирени и достоинствени, а со сторителите ќе се справат институциите, напиша на Фејсбук премиерот Ковачевски.

ПОВРЗАНИ ВЕСТИ

„Ова кривично дело не случајно е извршено на денешен ден“, се вели во осудата на МНР за палењето на влезот на здружението „Иван Михајлов“ во Битола

Ваквите чинови се провокација и не одат во прилог на унапредување на односите со Бугарија, вели Пендаровски за палењето на центарот „Ванчо Михајлов“

(Фото) Опожарена влезната врата на бугарскиот клуб „Ванчо Михајлов“ во Битола

Фото: Влада