Премиерот Димитар Ковачевски во своето обраќање до јавноста уште еднаш изрази осуда за агресијата на Русија врз Украина и повика на прекин на војната.
Како членка на НАТО, тој рече дека Македонија е безбедна, но најголем предизвик е економијата.
„Поради војната, глобалната економска криза се продлабочува. Не очекува неизвесна година каде што економијата во Европа и светот ќе претрпи штети. Владата будно ги следи светски економски текови и ќе делува во најдобар интерес за заштита на домашната економија и на финансиската состојба на граѓаните.
До сега преку правилно поставената стратегија во оваа исклучително кризна година, како Влада инсистиравме сите ресурси да се насочат кон економска помош на граѓаните и стопанството.
Глобалните пазари се најпогодени од руско-украинската војна, а нашата изложеност кон овие две економии е мала. Нема присуство во финансискиот сектор, а странските инвестиции се под 1 посто од вкупните вредности
Очекуваното глобално влијание врз покачување на цените на основните прехранбени производи и енергенсите, што би значело продлабочување на веќе постоечката енергетска криза, е нешто за кое како Влада сме апсолутно подготвени и ќе одговориме соодветно.
Оваа криза е голем предизвик, но ќе ја поминеме со заеднички напори,“ уверува Ковачевски.
Тој ѝ порача на Владата и на институциите максимално одговорно да ги трошат средствата и максимално ефикасно да работат со цел амортизирање на негативни последици од кризата.
ПОВРЗАНИ ВЕСТИ
(ВО ЖИВО) Обраќање на премиерот Ковачевски до јавноста
Фото: Влада
