Намалување на добивката и загуби забалежаа винариите што котираат на Македонската берза во периодот јануари-септември, годинава кога во земјава се разгоре пандемијата од Ковид-19.
ВВ „Тиквеш“ АД Кавадарци во овој период оствари добивка од 36.043.110 денари, што е намалување од 19,23 отсто во однос на истиот период минатата година кога добивката на компанијата изнесувала 44.624.316 денари.
„Сковин“ АД Скопје оствари загуба од 32.853.000 денари, што е продлабочување во однос на истиот период минатата година кога загубата на компанијата изнесувала 25.342.000 денари.
„Попова кула“ АД Демир Капија оствари загуба од 2.565.000 денари во периодот јануар-септември, што е влошување на резултатот во однос на истиот период минатата година кога компанијата имала добивка од 6.797.000 денари.
Фото: Тиквеш/Сковин/Попова кула
