Kривична пријава против скопјанка која се борела во редовите на Исламската држава во Сирија

Триесет и осумгодишна скопјанка во два наврата заминала за Сирија, каде се борела во редовите на Исламската држава.

Секторот за борба против тероризам, насилен екстремизам и радикализам при Одделот за спречување на организиран и сериозен криминал до Основното јавно обвинителство за гонење на организиран криминал и корупција поднесе кривична пријава против Л.С.(38) од Скопје, поради постоење основано сомнение за сторено кривично дело „помагање“, а во врска со кривично дело „учество во странска војска, полиција, паравоени или параполициски формации“.

Пријавената, во два наврата ја напуштила територијата на Република Северна Македонија и со умисла заминала за Сирија, каде земала учество во активностите на терористичката организација „Исламска држава“ (ИСИС).

На 10 март оваа година на Меѓународен аеродром Скопје пријавената е депортирана со лет од Истанбул во Скопје.

МИА