Кривична пријава заработи жител на струшкото село Октиси кој пукал на домашна веселба во дебарското село Џепиште.
„Поради постоење основи на сомнение за сторено кривично дело „предизвикување општа опасност“ Одделението за внатрешни работи од Дебар поднесе кривична пријава против Џ.И.(62) од струшкото село Октиси. Тој, на 19 јули 2020 година во 16:50 часот, во дебарското село Џепиште, при семејна веселба пукал од пиштол“, изјави Стефан Димоски, портпарол на Секторот за внатрешни работи.
Расположениот стружанец во куќа сопственост на Е.Е. од селото Џепиште, испукал седум куршуми од пиштол „застава М-57“ калибар 7.62 мм.
Според Димоски, Џ.И.пиштолот го поседувал со дозвола.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.