Кривична пријава поднесена е против жителка на дебарското село Отишани поради непочитување на решение за самозолација.
-Одделението за внатрешни работи од Дебар поднесе кривична пријава против Џ.А.(52) од дебарското село Отишани, поради постоење основи на сомнение за сторено казнено дело „непостапување според здраствените прописи за време на епидемија“, информираше Стефан Димоски, портпарол на Секторот за внатрешни работи од Охрид.
Според него при контрола извршена на осми овој месец, полициските службеници констатирале дека пријавената не се придржувала до решението од Државниот здравствен и санитарен инспекторат за задолжителна домашна самоизолација со цел заштита на населението од Ковид -19.
Димоски додава дека полициските службеници одОВР Дебар продолжуваат со контроли кај лицата кои со решение се во самоизолација,но и колку жителите од општините Дебар и Центар Жупа ја почитуваат мерката за носење лична заштита на лицето.
Полциската статистика потврдува дека во текот на овој месец издадени се шеесеттина платни налози за непочитување на оваа мерка.
МИА