СВР Охрид поднесе кривична пријава за двајца охриѓани кои што наместо во самоизолација, присуствувале на јавната верска манифестација по повод верскиот празник „Богојавление – Водици 2022 година“ одржана во Охрид.
Еден од нив е градоначалникот на Охрид, Кирил Пецаков.
Како што информираат од Министерството за внатрешни работи, пријавените, на 19.01.2022 година се тестирале за дијагностицирање на коронавирусот и наместо во самоизолација, согласно одлуките за превентивни препораки за заштита на здравјето на населението од заразната болест, истиот ден, присуствувале на манифестацијата.
– Поради постоење основи на сомнение за сторено кривично дело „непостапување според здравствените прописи за време на епидемија”, СВР Охрид до надлежното Обвинителство поднесе кривична пријава против К.П.(37) и А.К.(37), двајцата од Охрид, стои во соопштението од МВР.
ПОВРЗАНИ ВЕСТИ
Пецаков најави кривична пријава за клевета и несовесно работење за ДСЗИ и Бухова
СВР Охрид презема мерки за расчистување на случајот со градоначалникот Пецаков
(Фото) Градоначалникот на Охрид, Пецаков, позитивен, па негативен на тест за Ковид-19
Фото: Пецаков/Фејсбук