Во првите девет месеци од годинава Лотарија на Македонија АД Скопје оствари позитивен финансиски резултат искажан во неревидираниот Биланс на успех во износ 2.552 илјади денари, што претставува намалување за 48% споредбено со 2022 година, информираат од таму преку Македонската берза.
-Кај оперативната добивка во износ од 3.293 илјади денари споредбено со минатата година има намалување од 40%.
Остварените вкупни приходи за период 01.01 – 30.09.2023 година, во висина од 20.132 илјади денари, бележат намалување во однос на остварените приходи во 2022 година.
Во структурата на вкупните приходи најголемо учество од 99,26% имаат оперативните приходи, додека финансиските приходи претставуваат 0,74% од вкупните приходи.
Намалување од 3% бележат вкупните расходи, кои за период јануари до септември 2023 година изнесуваат 16.689 илјади денари. Оперативните расходи се намалени за 3%, а финансиски расходи нема, велат од таму.
ПОВРЗАНИ ВЕСТИ
Мирјана Настовска-Митрова назначена за в.д. извршен директор на Лотарија на Македонија
Стефан Станкоски поднесе оставка од Одборот на директори на Лотарија на Македонија
Драган Наков избран и за претседател на Управниот одбор на Лотарија на Македонија
