Мафијата во Италија добива се поголема поддршка на локално ниво откако почна да дистрибуира бесплатна храна на сиромашните семејства кои се во карантин, а кои во меѓувреме останале без пари, предупредуваат италијанските власти, објави „Гардијан“.
Во изминативе недели на социјалните мрежи беа објавени видеа на кои познати мафијаши доставуваат основни производи на Италијанците кои се најпогодени од кризата со корона вирусот, пред се во јужните делови на земјата како Кампанија, Калабрија, Сицилија…
Антимафијашките инспектори укажуваат дека голем дел од населението веќе еден месец нема приходи и дека продавниците, кафулињата, рестораните и пабовите се затворени, а никој не знае кога животот ќе се врати во нормала.
Тие предупредуваат дека доколку државата не најде начин да им помогне на најзагрозените, тоа ќе го стори мафијата, но и дека на тој начин ќе наметне контрола врз овие луѓе.
Целата сторија на Гардијан ТУКА.
ПОВРЗАНИ ВЕСТИ
Италија останува во карантин до 3. мај
Умираат дома: Вистинската слика за починатите од корона вирусот во Италија е многу пострашна
Стравот, социјалниот немир и кражбите го заменија пеењето во Италија
Фото: Financial Times