Владата на една од изминатите седници го задолжила Министерството за надворешни работи да издвои финансиски средства од буџетот за 2019 година, во износ од 12.400.000 денари (206.000 евра) за контрибуција во Доверителниот фонд на НАТО за Авганистанската национална армија (АНА) во функција на поддршка на безбедносните сили и институции на Авганистан.
Истовремено Владата препорачала во наредните три години (2020-2022 година) финансиските средства за учество во Доверителниот фонд за поддршка на Авганистанската национална армија (АНА), да се планираат во буџетот на Министерството за одбрана, како одраз на посветеноста на Владата покрај учество со сили во операциите на НАТО, да го продолжи учеството во доверителните фондови на НАТО, согласно заедничките заложби на Алијансата.