Македонија денеска ќе испрати одговор до судот во Стразбур за помилувањата од екс претседателот Иванов

Одговор на повеќе од 60 страници и доказен материјал од илјадници страници ќе биде испратен во текот на денот до Европскиот суд за човекови права во Стразбур, изјави денеска министерот за правда Бојан Маричиќ, одговарајќи на новинарско прашање дали и каков одговор испратила државата до судот во Стразбур во врска со помилувањата на поранешниот претседател Ѓорге Иванов.

ПОВРЗАНИ ВЕСТИ

Судот во Стразбур допрва ќе одлучува: Ќе стане ли аболицијата на Иванов сламка за спас на Груевски, Мијалков, Јанакиески…

Владата нема да се спогодува со обвинетите од СЈО пред судот во Стразбур, ќе бара докажување на случаите

По поднесување на одговорот, посочи Маричиќ, судот предвидува тој да биде испратен на противничката страна да се произнесе по него, по што ние ќе имаме можност за повторно да се произнесеме, пред судот да постапува по него.

– Во овој момент не би кажал ништо повеќе. Навистина интензивно се работеше на подготовка на овој одговор со сериозен стручен правен тим со експерти од дома и странство, кои мислам дека го извлекоа максимумот и можам да кажам дека со мирна совест го проследуваме одговорот денеска, изјави Маричиќ, одговарајќи на новинарско прашање.

МИА/Фото: Кабинет на претседателот