Македонија е рангирана во групата на делумно слободни земји во најновиот извештај „Слободата во светот 2021“ на Фридом хаус.
Државата има мал напредок во однос на лани, кога за разлика од годинешните 66 поени од можни 100, „Фридом хаус“ политичките права и граѓанските слободи ги оценил со три поени помалку.
„Левичарската влада ги смири тензиите по парламентарната криза во 2017 година која ја парализираше нормалната политичка активност.
Северна Македонија продолжува да се бори со корупцијата, додека медиумите и граѓанското општество се вклучени во интензивна јавна дебата, новинарите и активистите се соочуваат со притисок и заплашување“, се вели во Извештајот.
Во него се забележува за владеење на правото, а оценките за транспарентноста, слободата на изразување и корупцијата остануваат исти како и лани.