Македонијатурист АД Скопје во првите шесте месеци од 2018 година од пружените хотелски и ресторански услуги како основна дејност како и од други споредни дејности оствари позитивен финансиски резултат со бруто добивка од 56,08 милиони денари, која е за 22% поголема во однос на истиот период од претходната 2017 година или нето добивка 51,23 милиони денари која е за 22,5% поголема од истиот период во минатата година, соопшти компанијата преку Македонската берза.
„Вкупните приходи до 30.06.2018 година изнесуваат 181,58 милиони денари и се за 16% поголеми во однос на истиот период од претходната 2017 година, додека вкупните трошоци од редовното работење до 30.06.2018 година изнесуваат 125,50 милиони денари и се повисоки за 13% во однос на 30.06.2017 година“, велат од компанијата.