Одборот на директори на Македонска берза донесе одлука за изрекување на мерката јавна опомена на Бетон АД Скопје, друштво котирано на подсегментот Берзанска котација, поради необјавување на целосните материјали за Собранието на акционери во рок од два дена од денот на свикувањето на седницата.
Опомена доби и Неметали Огражден АД Струмица, друштво котирано на подсегментот задолжителна котација поради задоценто објавување на повеќе извештаи, биланси на успех, повик за Собрание на акционери и одлуки од Собрание на акционери.
Берзата ги опомена и РЖ Економика АД Скопје, друштво котирано на подсегментот задолжителна котација заради необјавување на содржината на донесените одлуки на Собранието на акционери на друштвото најдоцна до почетокот на тргувањето на следниот ден на тргување после денот на нивното донесување и на Силекс АД Кратово, друштво котирано на подсегментот задолжителна котација заради необјавување на содржината на донесените одлуки на Собранието на акционери на друштвото најдоцна до почетокот на тргувањето на следниот ден на тргување после денот на нивното донесување.