Косовската полиција објави денеска дека уапсила државјанин на Република Северна Македонија поради сомневање дека влегол на косовска територија преминувајќи ја нелегално меѓудржавната граница, јави дописникот на МИА од Приштина.
Според соопштението на полицијата, осомничниот маж, кој е од албанска националност, е уапсен во селото Дебалде во општина Витина, во југоисточно Косово.
Со одлука на надлежен обвинител, на осомничениот му е конфискуван пасошот и истиот е ослободен во редовна постапка.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.