Македонскиот фудбалски интернационалец Изаир Емини е позитивен на коронавирусот, објавија косовските медиуми, пишува „Екипа.мк“.
Емини оваа сезона е член на косовскиот тим Дрита Гњилане, а се покажал позитивен на Ковид-19 на последното тестирање. Сепак, не чувствува силни симптоми на коронавирусот и засега е во домашна изолација.
Тоа е првиот македонски спортист кој официјално е позитивен на тестирање на Ковид-19.
Во Македонија, заболе и боречкиот тренер Љубиша Пешко, но по неколкудневен болнички третман успешно ја надмина болеста, пишува Екипа.
Емини во Македонија играше за Ренова и за Шкендија, а претходно беше интернационалец и во првенството на Албанија.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.