Македонскиот топ модел Елена Реи беше ангажирана да слика каталог за престижната американска дизајнерка Monique Lhullier.
„Иако препознатлива по нејзините раскошни венчаници оваа американска дизајнерка со филипинско потекло исто така дизајнира свечени тоалети и ready- to – wear колекции. Нашата Реи беше ангажирана два дена да слика каталог и видео на езерото Комо во Италија, и воедно беше на истото место кога ги сликаше венчаниците за „Харперс Базар“ за позначајни модни брендови.
Дизајнерката Monique Lhullier низ годините се потруди да облече голем број дами за свечени настани и престижни фестивали како Мишел Обама, Гвинет Потроу, Џенифер Лопез, Тејлор Свифт и Меланија Трамп.
Секако ова беше вистински камбек за нашиот топ модел заради наметнатата паузата предизвикана од пандемијата на Ковид-19,“ вели Алек Наумовски од „Моделс Ин Менаџмент“.
