Македонските државјани ќе можат да патуваат во Велика Британија без да мора да поминат 10 дена во карантин при влез во земјата и без да прават две тестирања во тој период.
Ова олеснување ќе почне да важи од 11 октомври, а државата е на листата на 47 земји кои се опфатени со ова олеснување на британската влада.
Претходно, оние кои не беа вакцинирани требаа да направат ПЦР-тестови на вториот и осмиот ден од пристигнувањето и да бидат во карантин од 10 дена.
За целосно вакцинирани во Британија се сметаат лица што се вакцинирани со две дози од вакцините кои се признаени во оваа земја: „АстраЗенека“, „Фајзер“ и „Модерна“.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.