На 17.09.2019 во 16.45 часот на регионалниот пат Струга – Дебар, на крстосница од локалниот пат с.Добовјани и патот кон с.Велешта, се случила сообраќајна незгода помеѓу патничко моторно возило „југо“ со струшки регистарски ознаки, управувано од Р.П.(58) од с.Вевчани и патничко моторно возило „фоксваген голф“ со струшки регистарски ознаки, управувано од С.Б.(54) од с.Велешта, информира МВР.
Од ударот возилото „југо“ удрило во пешакот С.Б.(55) од Р.Албанија. Во незгодата со тешки телесни повреди се здобиле Р.П. и С.Б. и биле пренесени во болницата „Свети Еразмо“ во Охрид за укажување на лекарска помош. Со телесни повреди се здобиле сопатничката од возилото „југо“, С.П.(49) и 12 – годишен пешак, кој се движел заедно со С.Б. Увид на местото на настанот извршила екипа од Полициската станица Струга.