Малта стана првата земја од Европската Унија која ја легализираше марихуаната за лична употреба, пренесуваат светските агенции.
Според законското решение кое го усвои Парламентот, земјата легализираше и одгледувањето за личната употреба на марихуаната.
На лицата над 18 години ќе им биде дозволено да поседуваат до седум грама марихуана и во домашни услови да посадат најмногу четири стебла.
Пушењето во јавност останува забрането, исто како и во присуство на малолетници.
Се очекува примерот на Малта да го следат и други европски држави, како Луксембург, Германија, Швајцарија…
Уругвај во 2013 година стана првата држава во светот која целосно ја легализираше марихуаната, а пет години подоцна тоа се случи и во Канада.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.