Марјан Забрчанец, националниот координатор за стратегиски комуникации и за спроведување на комуникациската стратегија на Владата синоќа соопшти дека е позитивен на Ковид-19.
„Денес добив лесни симптоми на настинка, се тестирав и вечерва добив позитивен Ковид-19 резултат. Добро се чувствувам, ги следам целосно советите на лекарите и од овој момент одам во домашна изолација.
Водете максимална грижа, вирусот наоѓа најразлични начини да продре до човечкиот организам. Носете маска секогаш, секаде, одбивајте физички контакти, преместете ги сите состаноци онлајн, одбивајте групирање, дезинфицирајте. Чувајте се, преку дисциплина и упорност ќе успееме. Стоп Ковид-19!“, напиша Забрчанец на неговиот Фејсбук-профил.
ПОВРЗАНИ ВЕСТИ
Пратеничката на СДСМ Славјанка Петровска позитивна на Ковид-19
Фото:Фејсбук/Забрчанец