еМагазин
Image default
Спорт

Машката сениорска карате репрезентација доби признание за врвен спортски резултат

Репрезентативците на сениорскиот карате тим на Македонија кои освоија бронзен медал на неодамна одржаното Медитеранско првенство во Тунис добија признание за постигнат врвен резултат од Агенцијата за млади и спорт (АМС).

Признанието од АМС доаѓа по големиот успех на македонските карате репрезентативци кои се закитија со медал во најтешката дисциплина, екипно борби за мажи и кој воедно е прво одличје за Македонија на медитеранските првенства во оваа дисциплина.

Бронзениот медал го освоија каратистите Петар Заборски, Петар Спасеновски, Давид Петков, Стефан Стојановиќ, сите членови на карате-клубот „Макпетрол“, како и Мурсел Мисими од кумановскиот карате-клуб „Башкими“.

Со доделеното признание, Агенцијата за млади и спорт го потврди големиот успех на македонската сениорска карате репрезентација во која членуваат дури осум каратисти од клубот „Макпетрол“.

Покрај големиот екипен успех, нашите каратисти во Тунис остварија и три високи пласмани во поединечните категории, сите од членови на „Макпетрол“. Петар Спасеновски (-84 кг.) и Ангела Мојсовска (-68 кг.) го освоија петтото место, додека Симона Заборска (-61 кг.) го заврши натпреварувањето на седмата позиција.

На годинешното Медитеранско првенство учествуваа вкупно 447 спортисти во машка и во женска конкуренција, при што дел од шампионатот беа 19 најелитни и најдобро рангирани светски тимови.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Да навиваме за нашите фудбалери: Македонската репрезентација денеска игра со Украина

Редакција

Ѓоковиќ на Мастерс во Индијана Велс изгуби од италијанецот Лука Нарди, кој е на 123. место на АТП листата

Редакција

Ѓоковиќ испиша историја: Рекордер по бројот на недели како светски број еден тенисер

Редакција
Close

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница