Маж од Суботица е првиот заразен со коронавирус во Србија

Еден 43-годишен маж од Суботица е првиот пациент во Србија кај кого е докажано присуство на новиот коронавирус, јавуваат српските медиуми.

Тој во моментов е во изолација, а „Блиц“ јави дека има температура од 37,4 и се чувствува добро.

Весникот наведува дека човекот неодамна дошол од Унгарија.

Тој пријавил симптоми слични на Ковид-19 по што му се земени примероци и нивната обработка во лабораторијата на Институтот „Торлак“ покажала дека пациентот е позитивен на новиот коронавирус, објави „Новости“.

МИА

ПОВРЗАНИ ВЕСТИ

Бројот на заразени со коронавирусот во Грција порасна на 45 лица

Нема нови тестирани на корона вирусот, на Деве Баир доаѓаат туристи од Јапонија и Сингапур кои ќе бидат прегледани од епидемиолози