Мерцедесот дизајниран од нашиот Славче Таневски кој работи во Mercedes-Benz, е еден од најпродаваните модели, инфоормираат од МакАуто Стар за „еМагазин.“
Воедно, Mercedes-Benz повторно е највреден, луксузен автомобилски бренд според „Best Global Brands2020“. Имено, Mercedes-Benz и оваа година го добива признанието за еден од најпосакуваните брендови во светот.
Според рангирањето на американската консултантска куќа „Интербренд“, Mercedes-Benz е рангиран на 8. место, во конкуренција на сите светски брендови воопшто, и најдобар меѓу луксузните автомобилски марки.
Неговата вредност е проценета на нешто повеќе од 49 милијарди американски долари.
Тоа е единствената европска компанија, која се наоѓа меѓу 10-те најдобри во светот.
„Клучот на нашиот успех се должи на постојаното фокусирање на потребите на купувачите, за кого и создаваме исклучителни производи. Mercedes-Benz секогаш комбинира високо ниво на иновации со желба да понуди уникатно искуство на луксузна мобилност“, Бетина Фицер, заменик претседател во фабриката.
