Мицкоски се сретна со Вархеји: Преговори со ЕУ веднаш и без дополнителни условувања

Преговорите со ЕУ треба да започнат веднаш, без дополнителни условувања од која било страна, порачал претседателот на ВМРО-ДПМНЕ, Христијан Мицкоски на средба со еврокомесарот за проширување и добрососедска политика, Оливер Вархеји, кој престојува во посета на Македонија.

-На средбата претседателот Мицкоски истакна дека државата има направено бројни отстапки за да го оствари својот стратешки национален интерес за членство во Европската унија. Преговорите со ЕУ треба да започнат веднаш, без дополнителни условувања од која било страна.

ВМРО-ДПМНЕ нема да прифати негирање на македонскиот идентитет, јазик, историски континуитет и посебност, се наведува во соопштението од прес-службата на ВМРО-ДПМНЕ.

Мицкоски и Вархеји дискутирале и за актуелната политичка-економска состојба во земјата, како и за динамиката на реализација на проектите кои се финансирани од ИПА фондовите во дел од општините.

На средбата присуствувале и потпретседателот на партијата, Владо Мисајловски и меѓународниот секретар Стефан Андоновски.

ПОВРЗАНИ ВЕСТИ

Средба на Османи со Вархеји: Постои замор од постојаното одложување, нужен е исчекор кон пристапните преговори

Средба на Ковачевски со Вархеји во Скопје: Деблокадата на евроинтеграциите е потреба и сега е моментот за тоа

Фото: ВМРО ДПМНЕ