Во Ковид центарот во Тетово деновиве на болничко лекување се наоѓаат неколку млади лица на околу 40 години, кои немале хронични болести, а сега им е утврдено присуство на коронавирусот.
Покрај тоа значително се зголемени и бројките на прегледани лица во амбулантата на Инфективното одделение.
„Амбулантски прегледи се значително зголемени, имаме над 70 секој ден. Тоа е знак дека ќе трае бранот неколку недели, најверојатно. Уште треба да се внимава многу на мерките.
Тие фамилии што имаат луѓе со хронични болести, да не ги заразат. За жал и млади со 40 години без некои коморбидитети, па и тие се хоспитализирани.
По втор пат дали некој се заразил немаме евиденција,“ изјави Гзим Нуредини, координатор во ковид-центарот.
Во моментот има 35 пациенти кои се хоспитализирани.
„После подолго време и вториот кат од интерно одделение повторно е отворено за прием на ковид болни. Има уште места, чекаме да видиме како ќе се одвива.
Направивме реорганизација, кога се отвори вториот кат ни требаа уште лекари и сестри, технички персонал, од други одделенија. Сигурно месец дена ќе ни треба да бидат тука. Зависи од епидемиолошка ситуација, карактеристика на вирусот и од пациентите што ги имаме хоспитализирано, објаснува Нуредини.
И тетовската клиничка болница има модуларна монтажна болница која се уште не се користи.
МИА/Фото: МЗ
Важно известување
Посети ја новата страница