МНР формираше Кризен штаб и отвори телефонски број на кој засегнатите граѓани ќе може да се информираат за несреќата

Министерството за надворешни работи формираше кризен штаб во врска со автобуската несреќа што се случи во Бугарија во којашто загинаа најмалку 45 лица.

– Имајќи ја во предвид тешката несреќа што се случи синоќа во Република Бугарија, во која многу наши државјани ги изгубија своите животи, министерството за надворешни работи на Република Северна Македонија информира дека во министерството веќе функционира кризен штаб во врска со несреќата, наведува МНР.

Министерството исто така информира дека негови двајца наши вработени се упатени на испомош во Амбасадата на Северна Македонија во Софија со цел да помогнат околу сите процедури поврзани со трагичниот настан.

– За оваа цел, Министерството за надворешни работи отвори специјална телефонска линија на која сите загрижени граѓани, роднини и членови на семејствата ќе можат да се обратат за дополнителен совет на телефонскиот број 075 273 732, информираат од МНР.

ПОВРЗАНИ ВЕСТИ

Османи: Преживеаните во несреќата во Бугарија се навреме згрижени, по ден-два ќе бидат префрлени во Скопје

Патниците кои настрадаа во несреќата во Бугарија се од Македонија, еден е од Прешево и еден со белгиско држајанство

Помеѓу настраданите во автобуската несреќа во Бугарија има повеќе членови на едно семејство, најмладата меѓу нив имала 16 години

Седуммината повредени кои се во болница во Пирогов се во стабилна состојба, вели Филипче