Министерството за надворешни работи согласно информациите добиени од Генералниот конзулат на во Венеција – Италија, информира дека до овој момент нема информација за наши граѓани кои се заболени од коронавирусот.
„Според последните информации, потврдени се 159 случаи на заразени лица со коронавирус. Министерството за надворешни работи преку Амбасадата во Рим и Генералниот конзулат во Венеција, редовно ја следи состојбата на македонските државјани кои се наоѓаат во овој регион и остварува комуникација со надлежните италијански органи во врска со мерките што се преземаат за спречување на ширењето на коронавирусот,“ се вели во соопштението на МНР.
Министерството за надворешни работи препорачува зголемени мерки на претпазливост при патување во италијанските региони Ломбардија, Венето и Емилија-Ромања во овој период. Повеќе информации можете да добиете на travel.mfa.gov.mk.
Во зафатените региони Ломбардија, Венето и Емилија-Ромања престојуваат околу 23.000 македонски државјани. Подетални информации околу развојот на состојбите, тие можат да добијат во Генералниот конзулат во Венеција на дежурниот телефонски број + 39 389 5837913 или е-маил [email protected]
ПОВРЗАНИ ВЕСТИ
Превенција од коронавирусот: Маски за еднократна употреба, кои се најевтини, НЕМА
Корона вирусот може да затвори кумановски чевларски компании кои извезуваат во Северна Италија
Како да се заштитите од корона вирусот: АПЕЛ за целосно почитување на превентивните мерки