Министерството за надворешни работи им препорача на македонските граѓани да не патуваат во кинескиот град Вухан и поширокиот регион поради забрзаното ширење на новиот коронавирус, од која досега починале 26 луѓе.
„Заради брзото ширење на вирусот, Министерството препорачува воздржување од патувања во градот Вухан и во поширокиот регион, имајќи ги предвид и превентивните мерки што ги преземаат кинеските власти, како ограничување на движењето и затворање на железничкиот, автобускиот и воздушниот транспорт“, се вели во соопштението на МНР.
Граѓаните за подетални информации околку развојот на состојбите може да се обратат во Амбасадата на Македонија во Пекиинг на дежурниот телефонски број +86 185 1351 2812 или на емаил [email protected].
До сега, од коронавирусот заразени се неколку стотици луѓе, а починати се десетици.
Светската здравствена организација (СЗО) упати апел сите држави да ги преземат неопходните мерки против коронавирусот.
ПОВРЗАНИ ВЕСТИ
Пекинг ги откажа прославите за кинеската Нова година поради коронавирусот
СЗО засега нема да прогласи вонредна состојба на глобално ниво поради новиот коронавирус