Мобилните гинеколошки клиники, каде ќе се вршат прегледи за рано откривање на ракот на грлото на матката, денеска започнаа со работа во Општина Свети Николе, каде преку 100 жени и девојки закажаа прегледи во наредните денови, во рамки на активностите на Министерство за здравство, Македонско лекарско друштво, Црвен крст и UNFPA MK за зголемување на пристапноста и достапноста за здравствените услуги од СРЗ, особено во услови на Ковид-19.
„Целта на работата на амбулантите, коишто ќе бидат стационирани и низ други општини во наредните месеци, е да се зголеми бројот на жени и девојчиња од 15 до 61 година кои ќе направат бесплатен ПАП тест, да се зголеми инклузивноста на жените и девојчињата од ранливите групи и кои живеат во рурални и оддалечени места и да се подигне свеста за важноста од редовни контроли.
Во мобилната гинеколошка амбуланта се достапни и совети за родово базираното насилство и за планирање на семејството. Прегледите се бесплатни, а пријавувањето ќе се одвива преку матичните доктори,“ велат од УНФПА.
Работата на мобилните гинеколошки амбуланти, коишто во наредниот период ќе бидат стационирани и во други општини низ државата, е овозможена со поддршка на Министерството за здравство, Македонското лекарско друштво, Црвениот крст и УНФПА – Фондот за население на Обединетите нации, кои се носители на проектот и ја обезбедија целокупната медицинска опрема неопходна за функционирање на амбулантите.
Прегледите се бесплатни, а пријавувањето ќе се одвива преку матичните доктори.
За преглед во мобилната гинеколошка амбуланта, жените и девојките можат да се пријават и на телефонските броеви: 077/653-637, 078/443-994, 074/600-171 и 032/443-171.
Фото: УНФПА