Министерот за внатрешни работи Оливер Спасовски денеска во Собранието рече дека нема ниту еден настан на кој полицијата не постапувала и поднела соодветни пријави за секое групирање.
За протестот од петокот за случајот „Монструм“, рече дека има и кривични и прекршочни пријави и најави дека јавноста ќе биде информирана деновиве.
„Детално ќе информираме утре или задутре врз основа на тоа што ќе биде сработено, завршено до крај од одделот за насилен криминал и Јавното обвинителство.
Така што, никаде и во ниту еден момент нема состојба во која што не се преземаат дејствија и одредени активности, само се прави една проценка за тоа како и на кој начин да ја сочуваме состојбата на едно задоволително ниво и да не настанат поголеми штети“, рече Спасовски.
ПОВРЗАНИ ВЕСТИ
Лавина од негативни реакции на Твитер за протестот за подршка на обвинетите за случајот „Монструм“
МИА