Најчитани на еМагазин во 2021: По прележан Ковид-19, количината на антитела не е битна и не треба да се проверуваат за да се види „колкав ми е имунитетот“, вели Пановски

Многу често, луѓето кои прележале Ковид-19 се прашуваат дали да се вакцинираат и дали имаат доволна заштита.

Микробиологот Никола Пановски, во еден од одговорите на социјалните мрежи истакнува дека, имунитетот од прележување трае најмалку 12 месеци, а може и доживотно.

„Антителата се доказ дека имуниот систем го запознал вирусот, па се очекува дека би реагирал брзо при повторна средба со вирусот. Гаранција никој не може да ви даде, не е ова фрижидер или кола.

Количината на антитела не е битна и не треба да се проверуваат за да се види „колкав ми е имунитетот”. Тие се пред се доказ дека навистина сме биле инфицирани со вирусот.

Затоа, во недостаток на вакцини, требаше да се апелира прележаните да почекаат барем 6 месеци, но властите тоа не го направија, па третина од вакцинираните се прележаните,“ вели Пановски и додава дека се остава на изборот на секој поединец и гаранција нема.

„Инаку шансите да добиете ковид ви е најмалку сто пати помала од некој како вас кој не прележал,“ објаснува Пановски.

ПОВРЗАНИ ВЕСTИ

Најчитани на еМагазин за 2021: Присуството на антитела значи заштита од Ковид-19, не е важно колкав е нивниот број, вели доктор Киријас

Најчитани на еМагазин за 2021: Ако се престане со вакцинирање со кинески вакцини, а немате други ќе биде катастрофа, вели доктор Пановски

Најчитани на еМагазин за 2021: Прележаните од Ковид-19 може да го пренесуваат вирусот и затоа треба маска и дистанца, вели доктор Беќаровски