На прашањето „За која партија би гласале доколку следната недела има парламентарни избори“, најмногу испитаници, 20 проценти одговорле ВМРО-ДПМНЕ, 12,9% СДСМ, 6,5% ДУИ, 3,3% Левица, 3%, Граѓанско движење на Максим Димитриевски, 2,6% Алијанса за Албанците, 2,3 % Беса, 1,4% Алтернатива и 0,4% друга партија, покажува телефонската анкета на Институтот за политички истражувања од Скопје (ИПИС).
Дури 18,3 проценти од испитаниците одговориле дека нема да гласаат за ниту една партија, 14,7% рекле не знам/нема одговор и 14,6% не сакале да кажат.
Анкетата на ИПИС е спроведена телефонски во периодот помеѓу 23 и 26 мај 2023 година, при што биле опфатени 1.112 полнолетни испитаници по случаен избор.
Податоците, како што информираат од ИПИС, се со статистичка грешка од +/- 3 проценти.
ПОВРЗАНИ ВЕСТИ
Дури 40% од граѓаните не веруваат во ниеден политичар, следи Мицкоски, па Ахмети: Анкета на ИПИС