Најпродаваниот модел на брендот на Брако „Грин Машинс“, возилото GM636, се покажува како многу практично и ефикасно при работата и затоа го држи приматот на најпродавано возило во арапските земји, информираат од компанијата.
„Грин Машинс“, со најновата испорака во Саудиска Арабија токму на три вакви машини, дизајнирани со максимални перформанси и конструирани за работа во секакви временски услови, ја надмина бројката од над 30 испорачани возила во оваа земја, од кои 2/3 се токму од типот GM636, популарно наречени и „Ловци на нечистотии“.
Преку оваа порачка, се докажува дека овој тип на техничко средство е најпогодно за чистење на површините во урбаните средини на најголемата земја на Арапскиот полуостров, која е и 12 земја во светот и една од топ 20 земјите по бруто домашен производ, велат од компанијата.