еМагазин
БЕНЧМАРК

Набргу ќе биде готова новата методологија за преговори со ЕУ

Северна Македонија направи огромни жртви за да си ја обезбеди европска иднина и земјата заслужува да ги почне преговорите за членство во Европската Унија, изјави хрватскиот премиер Андреј Пленковиќ, чија држава од денеска и официјално го презеде претседавањето со ЕУ.

Како што јави дописникот на МИА од Загреб, Пленковиќ на заедничка на прес-конференција со претседателот на Европскиот совет, Шарл Мишел, посочи дека Северна Македонија го промени своето име и Устав и дека заслужува да биде дел од ЕУ.

Според Пленковиќ, новата методологија за преговори со ЕУ набрзо ќе биде готова и ќе и биде официјално презентирана на Франција.

Тој нагласи дека при неговата последна средба со францускиот претседател Емануел Макрон, видел желба кај него да се направи напредок во процесот на преговори со Северна Македонија и Албанија.

Мишел од своја страна изјави дека не е прашање дали е потребно проширување на Унијата или не, туку начинот како тоа да се направи, нагласувајќи дека очекува наскоро да има придвижување во тој правец.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Да не се прават споредби на руските услови за Украина и бугарските за Македонија, порачува евроамасадорот Гир

Редакција

Невработеноста во ЕУ на најниско ниво во последните десет години

Редакција

Инфо-средби за ИПАРД Програмата 2014 – 2020 во општините Чешиново-Облешево и Пробиштип

Редакција

📢 Важно известување

Оваа веб-страница претставува архива (стар сајт) и повеќе не се ажурира.
За најнови информации и содржини, посетете ја нашата нова официјална страница:


👉 Посети ја новата страница