Во Куманово лекар од Итната медицинска помош пријавил во полиција дека бил мета на физички напад при извршување на неговата работа.
Случајот во СВР – Куманово, лекарот В.В го пријавил вчера во 10.20 часот, при што го објаснил целиот настан со нападот.
„На 01/02.08.2020 околу 22.00 часот, додека бил на интервенција по претходно случена сообраќајна незгода на пат Куманово-Свети Николе, во близина на с.Добршане, лекарот бил навредуван од две непознати лица, роднини на починатиот, по што од таткото на починатиот бил физички нападнат“, информираат од МВР.
Се преземаат мерки за расчистување на случајот.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.