Премиерот Димитар Ковачевски денеска изјави дека наскоро Министерството за правда ќе ги објави и имињата на експертите од академската фела од работната група за уставни измени.
-Во однос на комисијата таа веќе е во процес на формирање во Министерството за правда, кое ги објави експертите од политичките партии. Во текот на наредниот период тие ќе ги објават и експертите кои што доаѓаат од академската фела доминатно и од стручната, односно оние кои се занимавале со уставната проблематика во пракса и откако тоа ќе го направи Министерството за правда тогаш ќе започне пратичната работа на комисијата која треба да ги изработи амандманите и коишто потоа ќе бидат доставени до Владата и ќе влезат во собраниска процедура, рече Ковачевски на прес-конференција.
Во однос на барањето на Македонците – муслимани да влезат во Уставот, премиерот Ковачевски рече дека тоа ќе биде исто така работа на комисијата, бидејќи не се работи само за едно барање туку се работи за повеќе барања.
ПОВРЗАНИ ВЕСТИ
Министерството за правда ги објави имињата на учесниците во работната група за уставните измени
МИА/Фото: Влада